深圳親子遊 | 一日環遊世界 x 機動遊戲 x 推薦景點。深圳世界之窗

深圳景點其實都算多，今次我哋用一日時間去環遊世界! 

講梗係去咗深圳著名景點「深圳世界之窗」呀!!
大人細路都好開心，因為好多地方影相打卡，仲有機動遊戲玩! 

兩個女第一次環遊世界，仲可以見識到迷你版世界各地景點!
如: 法國巴黎鐵塔、印度泰姬陵、埃及金字塔、意大利比薩斜塔等。

但係千祈唔好以為行程只有微縮版世界名勝打卡景點，其實場內仲有好多適合親子、情侶嘅設施。如: 兒童遊樂場、機動遊戲 (旋轉咖啡杯、激流衝浪、過山車、碰碰車等)、觀光小火車、觀光吊車、巡遊表演、阿爾卑斯冰雪世界等。

深圳世界之窗佔地48萬平方米，場內分為8大區域，包括: 世界廣場、亞洲區、美洲區、非洲區、大洋洲區、歐洲區、雕塑園及國際區，總共超過130個景點及遊樂設施！

其實一日有少少走馬看花，真心推薦，不過四月天氣已經開始熱。

但仍有計劃前往，最緊要記得帶風扇仔、遮、帽，搽防曬及蚊怕水。
另外，園區入面仲設有中大型玩水設施「恐龍水上世界」(暫時未開放)，所以再熱啲入嚟玩，係可以玩埋水。
*記得帶備毛巾、替換衣物呀

剛才都有提及，場內設有兒童遊樂場、機動遊戲 (旋轉咖啡杯、激流衝浪、過山車、碰碰車等)、觀光小火車、觀光吊車、巡遊表演、阿爾卑斯冰雪世界等。

^ 巡遊表演

當中機動遊戲，有部份是免費有部份是需額外付費。

機動遊戲、玩樂設施: 

空中花園遊覽車 ── 360度俯瞰歐洲區景色
必玩項目之一，可以從高空欣賞園區內部份景點。

斯巴達勇士訓練營 (兒童遊樂場, 公園)
此區遊玩設施都多，都超級放電!

追夢樂園 (旋轉木馬)

穿越歐羅巴 (觀光小火車)
沿路軌穿梳景區，遊覽風景，每節大概10-15分鐘。

暹羆小飛象 (旋轉咖啡杯)

米開朗琪羅奇遇 (乘車射槍遊戲) 
入面場景以童話故事為主，都係好童趣可愛~

 

 

 

水上單車 (有腳踏船或電動款可選，付費項目)

 

 

 

 

 

阿爾卑斯冰雪世界 (額外付費項目)

 

 

 

除以上遊戲之外，仲有超刺淘激流大峽谷(14米高空俯衝)，刺激之餘一定濕身，及馬丘比丘迷城合家歡過山車等。

 

深圳世界之窗係位於深圳南山區華僑城，由香港出發而家都有幾個方法前往。
只要搭乘深圳地鐵，都能馬上直達，非常方便!

1. 港鐵羅湖站，過關後轉乘深圳地鐵1號線，於「世界之窗」站下車，J出口一出就係世界之窗正門口。

2. 港鐵落馬洲站，過關後轉乘深圳地鐵4號線，於「會展中心站」轉乘1號線前往「世界之窗」站下車，J出口一出就係世界之窗正門口。

3.深圳灣口岸過關後，轉乘深圳地鐵13號線，於「科苑站」轉乘1號線前往「世界之窗」站下車，J出口一出就係世界之窗正門口。

購票詳情: 

我比較建議大家上網買飛，即買即用，因為比起現場RMB購買，計返匯率都係上網買仲平!
但一定要留意，購票規格，千祈唔好買錯或買多咗呀!
好似我哋為例，我哋一家四口，只需要購買2大1小就可以了。

而視乎你需要，我哋就即場經Trip.com網上購票(淨門票)，即時收到QR Code即時使用，超方便呀!

Trip.com (我哋當日經Trip.com買淨門票，比現場更平，成人$223，小童/長者$117)
<設夜間門票>

https://hk.trip.com/travel-guide/attraction/shenzhen/window-of-the-world-75869/?Allianceid=3877272&SID=22784850&trip_sub1=&trip_sub3=D3080436

Klook 淨門票$223(成人，但網站冇小童淨門票)，另設$518起親子(1大1小)門票+幻魔術秀票。<設夜間門票>

https://affiliate.klook.com/redirect?aid=74230&aff_adid=1033901&k_site=https%3A%2F%2Fwww.klook.com%2Fzh-HK%2Factivity%2F9352-window-of-the-world-ticket-guangdong%2F

小童票:
兒童身高120厘米以上但不超過150厘米。

長者票:
65歲或以上、70歲以下

深圳世界之窗仲有《煙花之舞》，會喺每個星期六晚上9點準時喺凱旋門發放。
*實際演出時間，可查閱官方微信*

而世界之窗附近最近嘅商場，就有益田假日商場。
商場都算大，有好多餐廳食肆選擇，另外仲有「木育森林」室內兒童遊樂場，都係好玩推介。

木育森林優惠門票

【深圳世界之窗】

地址: 深圳市南山區華僑城深南大道9037號
營業時間: 上午9時至晚上9時半
夜場營業時間: 晚上6時至9時半

阿爾卑斯冰雪世界:
營業時間: 星期一至五: 中午12時至晚上9時
星期六及假期: 上午10時至晚上9時半

----------------------------------------------------

我哋發掘最新、至好玩嘅好去處呀。

https://www.facebook.com/80smami/
http://www.instagram.com/wagyubmami/
https://www.youtube.com/@Wagyubmami/